નરભક્ષી

શરૂઆત ચલો કરીએ
સાવ સાદી
ઉગી ગયેલાં ઘાસ જેવી
પછી
પછી નીચેથી શિખર
નીચે પડેલી ફાંટમાંથી દેખાડી દેવાની
તસ્વીર
તસ્વીર અંદર કહોવાઈ ગયેલાં આંતરડાંની

દેખીને શો કેફ ચડે

ખોટું
સાવ ખોટું જોવું લઈને ભેઠો છે
સાવ ખોટી આંખ

ખોટાવું
એવું ક્રિયાપદ હવે તો
એટલે કે ખોટાયા કરવું
લખવું પડે

ગાંડું
એકદમ જ ગાંડું થઈ જાય
આ શિખરની ત્વચાની અંદરની બાજુનું હોવું
ને પછી
ધીરે રહી ને
સત્ય ખબર પડે એ પહેલાં જ
બદલી નાખો

ને ધીમે રહી
જોઈએ તો ફૂંકી ફૂંકી ને
રત્નજડિત તીક્ષ્ણ દાંત
પેસાડી દેવાના.