શબ્દાર્થ: આજે પૂછેલો સવાલ

આ ટાઈટલમાં લખ્યું ને

એમ જ

આજે જ

પૂછ્યો સવાલ

કે

આ જે પ્રશ્નો થાય છે

એ બધા આ ઉંમર નાં હિસાબે હોય તો?

અને સત્ય તો કાંઈક જુદું જ નીકળે તો?

વાર લાગી નંઈ મને!

જરા

થાય

પણ હવે તો આ સત્યને તોડી નાખવું પડે

હવે સૌથી પહેલું તો અરીસો તોડી નાખ્યો

પછી બહાર નીકળતા દરવાજો

પછી દાદર

પછી પગ

અને ફ્લેટની બહાર જતાં જ

દુર્ગંધ ભરેલું શરીર

શું યાર? ફિલોસોફી જ કહ્યાં કરવાની?

કંઈ ઈમેજ બીમેજ તો રાખો

હવે શક્ય હોય તો કપડા વગર ફરી શકો

આગળથી જમણે

એક લાઈબ્રેરી છે

ત્યાં નવું એક કબાટ મળી આવે

ત્યાં તમારે લખવાનાં બાકી પુસ્તકોનો ઢગલો છે

એકેક પાનું ચાટી લાવો

પછી પ્રશ્ન ન થાય

કે સત્ય શું છે?

સત્ય એવું કંઈ હોય?

nothing nothing

nating

nati

neti

નેતિ

તિ

ત

શબ્દાર્થ